Përmes një video mesazhi, kryeministri Edi Rama premton se këtë verë do të mund të zhvillohet një turizëm normal.
Ai thotë se qeveria shqiptare ka siguruar dozat e vaksinave përtej parashikimeve, ndërsa vendi do të presë turistë nga e gjithë bota.
“Kjo kohë që po e lëmë pas ishte tejet e vështirë, por ne nuk jemi nga ata që dorëzohen jo. I siguruam vaksinat kundër të gjitha parashikimeve, për pak muaj kjo vuajtje do të mbarojë. Shqipëria këtë verë do të presë turistë nga e gjitha bota. Hotelet, baret e restorantet, klubet, edhe në majë të malit do të jenë të hapura, pa orare kufizuese. Do të kthehemi përsëri në jetën tonë të dëshiruar dhe do të vazhdojmë me forcë e me shpejtësi përpara. Kemi kaq shumë punë për të çuar deri në fund, e plot të mira e gëzime për të ndarë me njëri tjetrin. Shqipëria është e ardhmja jonë!”, thuhet në videomesazhin e Ramës.
VAZHDO TË LEXOSH MË TEPËR PËR TEMËN
