Rregullatori për barnat i Bashkimit Evropian javën e ardhshme do të fillojë hetimin në lidhje me provat klinike që ka kryer Rusia për vaksinën kundër koronavirusit Sputnik V.
Financial Times raporton se hulumtimet do të fokusohen nëse Rusia ka ndjekur praktikat më të mira të sigurisë gjatë provave klinike.
Gazeta me bazë në Mbretërinë e Bashkuar citoi burime anonime që kanë njohuri me procesin e miratimit të Agjencisë Evropiane të Barnave (EMA). Hetimet vijnë pasi ka pasur shqetësime etike rreth testimit të Sputnik V, gjatë përgatitjes për përdorimit e saj.
Gazeta citon kreun e Fondit të Investimeve Ruse, Kirill Dimitriyev, të ketë thënë se “nuk ka pasur presion ndaj pjesëmarrësve në testim dhe Sputnik V është në pajtim me të gjitha praktikat”.
Rregullatori evropian do të bazojë vlerësimin për të miratuar ose jo vaksinën Sputnik-V, pas rezultateve të hetimit të provave klinike që ka bërë Rusia. Presidenti rus, Vladimir Putin, zhvilloi një garë për të miratuar një vaksinë në gusht të vitit 2020, para se të përfundonte një fazë e tretë e testeve klinike që zakonisht përfshin një numër më të madh të vullnetarëve.
Sputnik V po përdoret gjerësisht në Rusi dhe dhjetëra vende të tjera, pavarësisht dyshimeve të hershme në lidhje me fshehtësinë dhe besueshmërinë e të dhënave.
Një studim i botuar në muajin shkurt nga The Lance, një revistë shkencore me bazë në Britani të Madhe, zbuti disa shqetësime ndërkombëtare duke thënë që Sputnik V “duket e sigurt dhe efektive”. Por, kjo vaksinë nuk është miratuar as nga SHBA-ja dhe as nga BE-ja, megjithëse dy vende anëtare të BE-së, Hungaria dhe Sllovakia e kanë blerë atë. /Rel/
VAZHDO TË LEXOSH MË TEPËR PËR TEMËN
“Vaksinat do t’i kthejnë njerëzit në majmunë, absurde!”
“Inteligjenca virale” dhe të pathënat e vaksinave të Koronavirusit
