Ministrja e Shëndetësisë Ogerta Manastirliu ka njoftuar se ka nisur në vaksinimi kundër Covid-19 për personat që kryejnë dializë, transplant dhe për ata pacientë me sëmundje kronike të riakutizuara.
Mes të tjerash Manastirliu tha se do të vaksinohen rreth 1 mijë e 200 dializantë, ndërkohë vaksinimi për ta do të bëhet në qendra ku e kryejnë këtë shërbim. Sipas saj do të arrihet deri në 270 mijë vaksinime në të gjithë vendin.
“Sot kemi filluar vaskinim e dializantëvë, janë rreth 1200 dializantë që vaksinohen dhe po vaksinohen në të gjithë vendin, atyre që kanë kryer transplant, apo individëve me sëmundje kronike të riakutizuara.Nevojitet rekomandimi i mjekut për ata që do të marrin vaksinën sipas fashave të grupmoshës.Kemi Kemi vijuar me vaksinimin masiv të popullatës mbi 60 vjeç dhe do të arrijmë mbi 270 mijë vaksinime sot, ndërkohë që kemi arritur të vaksinojmë me dozën e parë mbi 190 mijë të moshuar që jep më shumë garanci për jetën e tyre. Ne duam që të arrijmë që objektivin tonë ambicioz që i kemi vendosur vetes që brenda muajit maj të kemi kryer 500 mijë vaksinime, sigurisht për të arritur dhe planin tonë ambicioz vaksinimin e gjithë popullatës brenda pranverës së vitit të ardhshëm”, u shpreh Manastirliu nga nga Qendra Spitalore Universitare ‘Nënë Tereza’
