25.04.2021 - 17:14
Barcelona vijon luftën për titullin kampion. Blaugranat fituan 2-1 në fushën e Villarreal, rezultat që erdhi me përmbysje. Katalanasit kapin Real Madrid të vendit të dytë, por kanë një ndeshje më pak.
Chukëueze ka shënuar për vendasit në minutën e 27-të pas një aksioni të bukur personal. Katalanasit janë kundërpërgjigjur një minutë më vonë me një gol shumë të bukur të Griezmann.
Shtatë minuta më vonë ka ardhur edhe goli i dytë personal për francezin. Më saktë ishte një gabim i vendasve dhe Griezmann përfitoi i vetëm ndaj portierit. Pjesa e parë është mbyllur 1-2.
Në fakt, kështu është mbyllur i gjithë takimi. Në mesin e pjesës së dytë vendasit kanë mbetur me 10 lojtarë. Barcelona mbajti avantazhin deri në fund dhe tashmë lufton për titullin.
VAZHDO TË LEXOSH MË TEPËR PËR TEMËN
La Liga, Java 33
