Përfaqësuesja e PS Bora Muzhaqi falënderoi në emër të Edi Ramës të gjithë patronazhistët dhe koordinatorët e kësaj force politike.
Në deklaratë ajo thekson se tani është momenti i numëruesve dhe vëzhguesve që tani duhet të tregojnë përgjegjësi të lartë qytetare dhe ligjore.
“Shumë faleminderit gjithkujt që votoi. Ishte një ditë e gjatë, por mbi të gjitha ishte një ditë e bukur. Patëm një manifestim qytetar, përgjegjësie demokratike nga Tropoja deri në Konispol. Tani vullneti i popullit shqiptar është shprehur. Dhe është koha e leximit me përgjegjësi të lartë qytetare dhe ligjore, të çdo vote në çdo kuti. Në emër të PS dhe kryetarit Edi Rama për të gjithë patronazhistët dhe koordinatorët elektoral.
Mirënjohje pa fund për punën tuaj fantastike, deri në minutën e fundit. Ky është momenti i numëruesve dhe vëzhguesve të cilëve u kërkohet një përgjegjësi e lartë, qytetare dhe ligjore. Kjo që fillon tani është një pjesë shumë emocionuese të ndeshjes, kur të gjitha llojet e parashikimeve dhe hamendësimeve të cilat edhe këtë herë janë shumë të larmishëm, ja lënë vendin rezultatit real që del nga kutia e votimit”, u shpreh ajo.
VAZHDO TË LEXOSH MË TEPËR PËR TEMËN
Mbyllja e votimit/ Soreca: Ndiqni me qetësi e durim numërimin!
Mbyllja votimit/ Presidenti Meta: Pjesëmarrja në votime ishte rekord!
