Horoskopi, 9 maj 2021
Horoskopi, 9 maj 2021
Dashi
Të lindurit e kësaj shenje do të ndihen të hutuar në disa momente të caktuara gjatë ditës. Megjithatë, kjo situatë do të kalojë dhe shumë shpejt do t’i ktheheni normalitetit. Përpiquni të shmangni grupet e mëdha të njerëzve apo të huajt. Ka gjasa që dikush të tentojë t’ju vjedhë.
Demi
Do të keni vëmendjen e të tjerëve dhe do të gjeni mbështetje kudo. Ata që janë në një marrëdhënie duhet të shmangin tundimet. Është dita e duhur për të pasur miq të rinj. Përpiquni të kaloni më shumë kohë me familjarët.
Binjaket
Bëni kujdes të mos tundoheni nga zakonet e vjetra. Kjo mund t’ju sjellë rreziqe në marrëdhënien tuaj romantike. Megjithatë, përgjithësisht do të jetë një ditë e qetë dhe pa telashe. Do të kaloni një pasdite të këndshme me fëmijët tuaj.
Gaforrja
Nuk do të ndiheni të qetë gjatë kësaj dite. Madje herë pas herë do të jeni nervoz. Përpiquni që këtë gjendje mos t’ia përcillni partnerit/partneres suaj. Ata që kanë ndërmend të udhëtojnë duhet të përgatiten për të papritura.
Luani
Nesër do të gjendeni mes disa eventeve mjaft interesante. Nëse jeni aktivë në media sociale, ka gjasa të fitoni disa ndjekës të rinj, çfarë do të ngjallin mjaft interes për ju. Jini të vëmendshëm dhe bëni kujdes në rrugë.
Virgjeresha
Dëgjoni këshillin e familjarëve gjatë kësaj të diele. Dikush mund të ketë një ide, që do t’ju ndihmojë që të zgjidhni një çështje që ju ka munduar prej kohësh. Përpiquni të kaloni kohë jashtë, të shkoni në piknik apo të bëni shëtitje. Në mbrëmje mund të takoni dikë mjaft special.
Peshorja
Ka gjasa që dikush që ju prisni me padurim të takoni, të ndryshojë plan në moment të fundit. Përpiquni ta mirëkuptoni dhe t’i bëni sërish planet. Nëse arrini ta menaxhoni këtë situatë, gjithçka tjetër do të shkojë mbarë. Dikush që nuk e prisnit, do t’ju vizitojë në mbrëmje.
Akrepi
Do t’ju kërkohet të punoni në grup nesër. Rekomandohet të tregoheni pozitiv për këtë. Kushtojini vëmendjen e duhur partnerit/partners, ndërsa për beqarët e kësaj shenje, është dita e duhur për të qenë të hapur ndaj një lidhje të mundshme.
Shigjetari
Kjo ditë do të jetë e paharrueshme për Shigjetarët. Shanset për një udhëtim interesant dhe për evente emocionuese janë të mëdha. Në mbrëmje mund t’ju telefonojë dikush, të cilin keni kohë pa e takuar dhe që mund të ketë informacione të rëndësishme për ju.
Bricjapi
Bëjini vetë planet për ditën e nesërme. Ka gjasa që nëse i lini planet në dorë të miqve mund të përfundoni duke bërë diçka që nuk dëshironi. Sa i përket aspektit profesional, dita do të kalojë pa probleme dhe me rezultate produktive.
Ujori
Kjo ditë pritet që t’ju sjellë kënaqësi. Nëse keni ndërmend të organizoni një drekë apo një piknik merrni parasysh edhe ndryshimin e motit. Dikush do t’ju ftojë në një event kulturor, të cilin rekomandohet të mos e refuzoni.
Peshqit
Kjo ditë mund të jetë e vështirë për të lindurit e kësaj shenje. Kjo mund të vijë për shkak të motit ose për shkak të personave rreth jush që ju bëjnë vazhdimisht pyetje të sikletshme. Beqarët e kësaj shenje ka gjasa të gjejnë dashurinë e jetës.