Në dy muajt e fundit numri i të infektuarve me COVID-19, por edhe i fataliteteve ka rënë ndjeshëm duke krijuar premisat për një sezon turistik ndryshe nga i vitit të kaluar.
Megjithatë mjekët bëjnë thirrje që “lufta” nuk ka mbaruar dhe se masat duhet të vijojnë që të zbatohen për të shmangur rikthimin pas. Aktualisht rastet aktive janë 10322. Në 24 orët e fundit u shënuan 4 viktima dhe vetëm 50 raste të reja me koronavirus, por cilat janë qarqet më të prekura në Shqipëri aktualisht?
Sigurisht që Tirana është në krye të listës për shkak të dendësisë, pasi më shumë se 1/3 e popullsisë është përqendruar në këtë qark. Në vendin e dytë renditet qarku Shkodër me 301 të prekur aktivë më pas vjen Fieri, ndërsa vendin e fundit e mban Kukësi me vetëm 56 të infektuar aktivë.
Shpërndarja gjeografike e rasteve aktive sipas qarqeve:
Tiranë 8545
Shkodër 301
Fier 246
Korçë 215
Gjirokastër 228
Durrës 158
Vlorë 178
Elbasan 132
Lezhë 102
Berat 91
Dibër 70
Kukës 56
