Ambasadorja e SHBA, Yuri Kim në vendin tonë ka komentuar vendimin e sekretarit amerikan të shtetit që e shpalli Sali Berishën non grata.
Në një komunikim me gazetarët, Yuri Kim tha se ditët e pandëshkueshmërisë duhet të përfundojnë dhe për këtë duhet të punojnë të gjithë.
E pyetur nga gazetarët, se a është Sali Berisha peshku i madh, Kim u përgjigj me sloganin e Partisë Demokratike, se “Shqipëria po ndryshon”.
“Unë nuk asgjë për të shtuar përveç asaj që ka thënë sekretari amerikan i shtetit. Mesazhi është ky, Shqipëria po ndryshon. Shqipëria është anëtarë e NATO-s.
Shqipëria është një aleatë dhe një mike e SHBA. Shtetin ligjor duhet të prevalojë. Duhet t ë jetë një vend i pastër. Për të arritur aty, askush nuk mund të jetë mbi ligjin. Ditët e pandëshkueshmerisë duhet të vijnë me një fund dhe të gjithë duhet të punojmë. Ky nuk është një projekt i SHBA apo i juaji. Por është një projekt i përbashkët”, tha Yuri Kim.
BERISHA PARALAJMËROI PADI
Një ditë më parë, ish-kryeministri Sali Berisha paralajmëroi padi ndaj sekretarit amerikan të shtetit për shpifje.
“Kam udhëzuar avokatin tim në një vend neutral siç është Franca që të ngrejë një padi direkte ndaj Blinken për shpifje. Zt Blinken mundet ndoshta të pretendojë. Imuniteti sot vlerësohet nga Gjykata në mënyrë relative, çka do të thotë se është ai mbrojtur kur ai kryen akte normale të pozitës së tij”, tha Berisha dje ne nje konference per mediat.
VAZHDO TË LEXOSH MË TEPËR PËR TEMËN
