Për të dytën herë brenda një kohe të shkurtër, KQZ u shndërruar në një KZAZ ku u numëruan 108 kutitë e qarkut Durrës, por sërish nuk ka asnjë ndryshim rezultati.
KAS i dha dritën jeshile kërkesës së Lëvizjes Socialiste për Integrim e cila pretendon se e ka humbur mandatin e saj të parë vetëm për 136 vota, që i takonte të parës në listë, Elona Gurit.
Në KQZ me kërkesë të LSI-së vijon rinumërimi i 108 kutive për qarkun e Durrësit.
Mësohet se PS ka humbur 26 vota, LSI ka marrë vetëm një votë, ndërsa PD ka humbur 38 vota.
LSI synon të marrë mandatin e kryeministrit Edi Rama, i cili ishte i 8-i në listën e Durrësit.
Katër numërues nga administrata e KQZ po rinumërojnë fletët e votimit në 108 kutitë për qarkun e Durrësit.
Subjektet politike kanë vëzhguesit e tyre të pranishëm në 8 tavolina numërimi.
Përfaqësuesi i PS-së në KAS, Eridian Salianji tha se ishte dakord me kërkesën e LSI-së për rinumërim dhe rivlerësim, ndërsa theksoi se rezultati nuk do të ndryshojë
