Kryeministri Edi Rama të premten iu është përgjigjur të gjithë qytetarëve që janë ankuar për mos heqjen e orës policore, duke theksuar se kush bën krahasime me vendet e tjera, të mos harrojë se prej disa kohësh ne jemi në krye të klasifikimit në Europë për uljen e nivelit të infektimeve dhe humbjeve të jetës.
Përmes një shënimi të shkurtër në Twitter, Rama shkruan se qeveria shqiptare e di mjaft mirë atë se çfarë duhet të bëjë dhe nuk do të bie në kurthin e euforisë.
“Kush bën krahasime me vendet e tjera për orën policore antiCovid, të mos harrojë se prej disa kohësh tanimë jemi në krye të klasifikimit në Europë për ultësinë e nivelit të infektimeve e të humbjeve të jetës! Dmth e dimë mirë atë që bëjmë dhe nuk do të biem në kurthin e euforisë!”, citohet nga mesazhi i kryeministrit, Rama.
Po ashtu, sjellim në vëmendje se duke nisur nga 1 Qershori, shqiptarët nuk do duhet të mbajnë më maskat mbrojtëse në ambiente të jashtme. Komiteti Teknik i Ekspertëve prezantoi sot lehtësimin e masave kufizuese sa i përket situatës së krijuar nga koronavirusi.
Ambientet ku nuk ruhet dot distanca fizike dhe mjetet e transportit publik janë ato ku maska do vijojë të përdoret.
Ora policore gjithashtu shtyhet në orën 23:00 deri në 6 të mëngjesit, ndërsa nga 1 korriku, ora policore do të shtyhet edhe me 60 minuta, pra deri në orën 12 të natës.
VAZHDO TË LEXOSH MË TEPËR PËR TEMËN
“Vetëm këtë muaj do humbasim 70 mln USD”
“80% s’do ta ndiejnë por një pjesë do të luftojë me jetën”
“Po kaloj me Zahon, kohën që s’kam patur kurrë mundësi”
