Asgjë nuk mund të rregullojë pamjen tuaj më mirë se një prerje dhe ngjyrë e re, por dështimi për të marrë masat e duhura paraprake kur lyeni flokët mund të rezultojë në djegie kimike në kokë, paralajmëron një ekspert.
“Ne zakonisht e shohim këtë dëmtim rreth sezonit të verës,” tha Dr. Nneka Okafor, një asistente profesore e familjes dhe e mjekësisë në komunitet në Baylor College of Medicine në Hjuston.
“Ne po shohim disa rasye tani sepse njerëzit kanë qenë në karantinë dhe më në fund po dalin përsëri dhe duan të provojnë modele të reja flokësh ose të përdorin bojra të ndryshme, kështu që nuk është e papritur që mund të ketë ndonjë dëmtim të kokës nga produkte kozmetike të ndryshme”, tha Okafor.
Djegiet kimike në lëkurën e kokës mund të shkaktohen nga aditivë të caktuar dhe kimikate ose nga lënia e flokëve të mbështjellë dhe me bojë për një periudhë të zgjatur.
Okafor rekomandon të shikoni për këto simptoma kur boja vendoset në flokë: si psh skuqje në kokë, acarim, dhimbje ose djegie.
Nëse vuani nga një djegie kimike, hapi i parë është shpëlarja e plotë e flokëve. Pasi të hiqet boja, lani flokët me shampo për foshnje ose ndonjë sapun pa kimikate të ashpra ose aromë
Mos prekni zonën e prekur dhe mos vendosni ndonjë produkt tjetër në flokë që mund të shkaktojë acarim ose dëmtim të mëtejshëm, këshilloi Okafor.
Aloe vera ose vaj me bazë vazelinë mund të aplikohet në lëkurën e kokës derisa zona e dëmtuar të shërohet dhe të hiqen koret.
“Gjatë seancës aktuale të lyerjes së flokut, në momentin që ndjen ndonjë acarim ose dhimbje jonormale të kokës, duhet të njoftosh parukierin menjëherë”, tha Okafor.
“Nëse keni filluar të keni një djegie kimike, atëherë ata mund të heqin agjentin provokues, i cili është ndoshta ngjyra që mund të shkaktojë reagimin.”
Nëse po mendoni të lyejnë flokët, zgjidhni një profesionist me njohuri dhe vërini të bëjnë një shirit provë për të siguruar që nuk ka asnjë reagim ndaj produktit.
“Skalpi është një zgjatim i lëkurës së fytyrës, kështu që është po aq i ndjeshëm sa çdo pjesë tjetër e lëkurës tuaj”, tha Okafor.
“Nëse jeni shumë të ndjeshëm ndaj produkteve të ndryshme të tjera, atëherë duhet të jeni më vigjilent dhe të vetëdijshëm edhe me lëkurën e kokës”.
