Los Angeles Clippers nuk dorëzohet në finalet e Konferencës së Perëndimit. Kalifornianët fituan 116-102 ndaj Phoenix Suns në finalen e pestë play off, duke rihapur betejën për titull.
Skuadra e Phoenix tashmë udhëheq 3-2 serinë e takimeve, por humbi një shans të mirë për titullin, duke qenë se luante në fushën e saj. Paul George ishte lider në fushë për Clippers, autor i 41 pikëve e 13 rebound, mbështetur edhe nga Jackson me 23 pikë e Morris me 22 pikë.
Për Phoenix, i zakonshmi Booker realizoi 31 pikë, ndërsa Chris Paul 22, por që s’mjaftuan për të evituar humbjen. Pas dy ditëve do të luhet finalja e gjashtë mes tyre.
Konferenca e Lindjes – Finale Play off
Milwaukee Bucks – Atlanta Hawks 2-1
Konferenca e Perëndimit –Finale Play off
Phoenix Suns – Los Angeles Clippers 3-2
