Një ngjarje e rëndë është shënuar mbrëmjen e të hënës në Durrës. Një vajzë 24-vjeçare ka ndërruar jetë në vend, pasi dyshohet se është vetëhedhur nga ballkoni i banesës ku ajo jetonte.
Policia i ka vënë prangat bashkëshortit të viktimës, pasi dyshohet se ngjarja ka ndodhur pas një sherri që çifti kishte nisur ditën e djeshme.
Në njoftimin për mediat, policia nuk specifikon për çfarë dyshohet bashkëshorti i shtetases A. Gj.
Blutë kanë nisur hetimet për të zbardhur më shumë detaje nga ngjarja e rëndë.
Njoftimi i policisë:
Specialistët për Hetimin e Krimeve në Komisariatin e Policisë Durrës arrestuan në flagrancë shtetasin A. Gj., 31 vjeç, banues në Durrës, pasi mbrëmjen e djeshme, në banesë, gjatë një konflikti për motive të dobëta me bashkëshorten e tij, shtetasen A. Gj., 24 vjeçe, banuese në Durrës, dyshohet se kjo e fundit është vetëhedhur nga ballkoni i banesës dhe për pasojë ka ndërruar jetë.
VAZHDO TË LEXOSH MË TEPËR PËR TEMËN
Librazhd/ Familja kërcënon se do të hidhet nga pallati
