Moti i keq pritet të përfshijë edhe Shqipërinë, por jo si situata katastrofike që po kalon Evropa Qendrore. Ministria e Mbrojtjes me anë të një njoftimi për mediat thotë se gjatë 5 ditëve të ardhshme në Shqipëri parashikohet një mot me reshje lokale.
Sipas ministrisë reshjet pritet të jenë me vërshime uji të shkurtra dhe shkarkesa elektrike kryesisht në zonat malore.
Në njoftim thuhet se situata që pritet në vendin tonë është normale për tipin e reshjeve me shtrëngata në stinën e nxehtë dhe nuk ka ngjashmëri me situatën katastrofike e cila kaloi në vendet e Europës.
“Duke vlerësuar situatën e ndodhur në Evropën Juglindore dhe informacionet e mara mbi ndikimin që mund të kenë kushtet e motit edhe në vendet e tjera pranë, Instituti i Gjeoshkencave Energjisë Ujit dhe Mjedisit njofton se gjatë 5 ditëve të ardhshme në Shqipëri parashikohet një mot me reshje lokale që mund të jenë me vërshime uji të shkurtra dhe shkarkesa elektrike kryesisht në zonat malore.
Theksojmë se situata që pritet në vendin tonë është normale për tipin e reshjeve me shtrëngata në stinën e nxehtë dhe nuk ka ngjashmëri me situatën katastrofike e cila kaloi në vendet e Europës.
Për menaxhimin sa më të mirë të çdo situate të mundshme emergjente që mund të vijë si pasojë e kushteve jo te favorshme të motit, Ministria e Mbrojtjes dhe Agjencia Kombëtare e Mbrojtjes Civile do të bashkërendojë dhe koordinojë të gjitha fazat për përballimin e emergjencave civile.
Janë aktivizuar në gjendjen e gatishmërisë të gjitha strukturat dhe kapacitetet e emergjencave civile, në nivel qëndror dhe vendor për zbatimin e planeve në rastet e përmbytjeve.
Kujtojmë edhe njëherë që në vendin tonë kushtet e motit të parashikuara gjatë javës nuk do të kenë pasoja negative të përmasave madhore”, thuhet në njoftimin e ministrisë.
Kujtojmë që Evropa Qendrore, kryesisht Gjermania eshte perfshire nga reshje te shumta shiu dhe përmbytje, ku si pasojë deri tani kane humbur jetën mbi 90 persona dhe shume të tjerë rezultojnë të humbur.
VAZHDO TË LEXOSH MË TEPËR PËR TEMËN
