Ish-kreu i Partisë Demokratike, Sali Berisha ka bërë të ditur se do jetë pjesë e Parlamentit në shtator, madje ka theksuar se me ‘mezi po e priste”, që të niste sesioni i ri i Kuvendit.
Gjatë një prononcimi për mediat, pasi ish-kryeministri votoi për Këshillin e ri Kombëtar të PD-së, ka deklaruar se ai është themeluesi i pluralizmit në Shqipëri. “Mezi po e pres! Mos harroni se jam një nga themeluesit e pluralizmit në Shqipëri”, tha Berisha.
Ish-kreu i demokratëve ka folur dhe për shpalljen ‘non grata’ të tij nga DASH, teksa ka theksuar se beteja e tij ligjore po vijon dhe se akuzat ndaj tij janë shpifjet e multimiliarderit Xhorxh Soros.
“Beteja ime ligjore po ecën dhe ju e kuptoni se procedurat nuk janë emergjente dhe unë kam besim tek avokati im që mbarë Evropa ia njeh të gjitha meritat. Unë qëndroj i vendosur tek drejtësia, për hir të transparencës dhe u bëj thirrje të gjithëve që të sjellin një provë të vetme për ato që kanë shkruar. Ato shpifje që janë sajuar nga multimiliarderi Xhorxh Soros”, u shpreh Berisha.
VAZHDO TË LEXOSH MË TEPËR PËR TEMËN
Berisha ‘non grata’, bujë në mediat e ndërkombëtare
Basha propozon Platformën Qytetare për Demokracinë
Basha: Do rikthehemi në Parlament!
