Ju shqetëson mendimi se çfarë duhet të vishni në plazh? Po jua themi para se t’ju tregojmë disa ide : nuk ka shumë rëndësi. Një ditë në plazh, do të thotë një ditë pushimi. Vetëm nëse punoni si roje shpëtimi, në këtë rast tashmë e dini se çfarë të vishni, pasi e keni të përcaktuar. Si e tillë, zgjedhja juaj e veshjes nuk është diçka për t’u shqetësuar. Për më tepër, ka nga ata që e cilësojnë plazhin si vendin e fundit për të bërë modë, një hapësirë publike ku askush nuk interesohet vërtet se si je veshur.
Plazhi nuk është vetëm një vend ku ne mund të bëjmë banjo dielli dhe të lahemi në det. Është më shumë se kaq, pasi përfshin një gamë të gjerë aktivitetesh. Ne ju tregojmë se si mund të vishemi për t’u dukur sa më ‘cool’ në disa prej tyre.
1. Plazhi në qytet
Plazhet që janë të vendosura në qytetet buzë detit kanë një cilësi unike urbane dhe priren të tërheqin një turmë më të ndërgjegjshme për modën. Kushdo që ka vizituar Barcelonën, për shembull, do të ketë parë nga afër se si vendasit ‘përziejnë’ veshjet tradicionale të plazhit me diçka që ju përafrohet veshjeve të rrugës. Ky është frymëzimi për këtë veshje plazhi, të krijuar nga pantallonat e shkurtra të notit dhe kapele në formë tasi kombinuar me ndonjë bluzë me logo. Prekja e fundit në veshje për t’u dukur më mirë se kurrë? Një palë syze dielli të guximshme, me kornizë katrore do të ishte detaji perfekt për t’i bërë të gjithë të kthejnë sytë nga ju.
2. Një ‘look’ bohemian
Kur vjen puna tek një ‘look’ bohemian është e lehtë të gabosh; shumë veshje me ngjyra nga më të ndryshmet mund t’ju bëjnë të dukeni si një karikaturë. Këtu duhet të luani zgjuar dhe ne ju sugjerojmë një ide kombinimi mes pantallonave të shkurtra për not dhe një ‘hoodie’ (pulovër) të ngjyrosur si në foto.
3. Plazhi i aventurave
Sigurisht, pantallonat e shkurtra për not dhe shapkat e bëjnë punën e tyre në një plazh Mesdhetar, por e njëjta veshje do t’ju bëjë të ndiheni demode në plazhet e egra dhe me erë të Skocisë veriore. Zgjidhja? Ne kemi zgjedhur për t’ju sugjeruar një pulovër me mëngë të gjata të veshur nën një këmishë të përzier prej liri dhe një palë pantallona të shkurtra najloni. Këpucët për vrapim ofrojnë ecje të sigurtë ndërsa eksplorojnë vijën bregdetare.
4. Një plazh ‘boujee’
Në këtë artikull ju treguam në fillim se kur vjen puna tek plazhet, janë vende ku askush nuk interesohet se çfarë vishni, vlen të theksohet se, në raste të caktuara, kjo nuk është plotësisht e vërtetë. Një plazh i pazakontë – i një lloji që është i hapur vetëm për pushuesit e hotelit ngjitur me pesë yje, ose ata që janë të gatshëm të paguajnë një tarifë të madhe për të marrë edhe vetëm një shezlong – vështirë se është vendi për ato pantallona të shkurtra të notit, që keni patur për vite me radhë. Në vend të tyre, ne do të rekomandonim vetëm pak prekje luksi. Provoni një këmishë si pizhame dhe një çantë shoqëruar me disa bizhuteri delikate (ose një orë të hollë) në kyç.
5. Plazhi tropikal
Një ditë ‘dembele’ e kaluar në një plazh tropikal kërkon shumë pak nga veshjet tuaja. Në të vërtetë, e vetmja gjë për të cilën vërtet duhet të shqetësoheni këtu është rreziku i mbingarkesës dhe ne ju kemi sugjeruar këtë pamje të thjeshtë duke patur pikërisht këtë në mendje. Këtu ka pak më shumë se minimumi: një palë sandale, syze dielli dhe pantallona të shkurtra të notit të kombinuara me një këmishë këmishë dhe një çantë të mbushur me disa gjëra themelore, që mund të përfshijë një peshqir dhe krem plazhi.
