Shtohen akoma më shumë dilemat rreth së ardhmes së Cristiano Ronaldos. Pasi e filloi ndeshjen e parë zyrtare të sezonit të ri në Udine nga stoli, Cristiano Ronaldo gjithashtu mund të humbasë ndeshjen e dytë të Juves në Serie A, atë kundër Empolit të Andreazzolit.
Portugezi, rreth të cilit në orët e fundit janë ngritur shumë hipoteza joreale për largimin nga bardhezinjtë, në fakt ka anashkaluar pjesën e dytë të stërvitjes së sotme, atë të ndeshjes në fushë.
Pra, e ka zvogëluar kohën e trajnimit për shkak të një goditjeje që mori në krah gjatë një duluftimi loje me Alex Sandro. I shoqëruar nga një anëtar i stafit jashtë fushës, CR7 arriti në dhomat e zhveshjes para shokëve të tij të skuadrës.
Në orët e ardhshme do t’iu nënshtrohet kontrolleve të nevojshme për të vlerësuar shkallën e goditjes së pësuar dhe për këtë arsye praninë ose jo kundër Empolit. Njëkohësisht, ka shumë hamendësime që i referohen një largimi të tij dhe dëmtimi është thjesht gjetje.
