Lindita Nikolla, e cila u prezantua më herët nga kryeministri si kryetarja e re e Kuvendit, në një prononcim të shkurtër për mediat tha se opozitës do t‘i krijohen hapësirat e nevojshme për të shprehur idetë e saj.
Po ashtu Nikolla nuk la pa falenderuar Partinë Socialiste dhe kryeministrin Rama për besimin në përzgjedhjen e saj në krye të Kuvendit.
“Më shumë përgjegjshmëri për të mësuar më të mirën e mundshme në detyrën e arbitres së veprimtarisë së Parlamentit. Duke krijuar hapësirat e nevojshme së pari opozitës, patjetër, për te shprehur idetë dhe mendimet e saj. Duke respektuar gjithçka që ai tempull i demokracisë meriton nga rregullorja, etika dhe gjithë momentet e tjera. Sot ajo që unë mund të them, është fakti që jam e mbushur plot, mendje e zemër, me një përgjegjshmëri të shtuar për të përmbushur maksimalisht të gjiithë besimin dhe pritshmëritë që PS dhe kryetari PS z. Edi Rama pati në këtë përzgjedhje”, tha Nikolla.
VAZHDO TË LEXOSH MË TEPËR PËR TEMËN
