Niko Peleshi u rikonfirmua nga kryeministri Edi Rama si ministri i Mbrojtjes edhe në mandatin e tretë qeverisës.
Edhe pse kishte 8 muaj në këtë detyrë, Peleshi tha për mediat se ishte përgatitur për gjithçka, edhe për zëvendësimin pasi sipas tij “askush nuk është i pazëvendësueshëm.
E prisnit rikonfirmimin në detyrë?
Peleshi: Unë jam 8 muaj që shërbej në pozicionin e ministrit te Mbrojtjes por kur fillon një mandat i ri e qeveri e re është kryeministri që vendos. Ne s’jemi të pazëvendësueshCm.
S’më ka gënjyer ndonjëherë mendja se nuk ekziston ndonjë tjetër qe mund ta beje detyren me mire se une. Isha i përgatitur për gjithcka dhe emra të rinj që s’do kisha asnjë hatërmbetje.
Këtë argument dha ministri i Mbrojtjes edhe kur u pyet nga gazetarët për vendimin e kryeministrit Rama ndaj Taulant Ballës, që në këtë mandat të tretë e lë pa asnjë post politik.
Pyetje: Taulant Balla më i votuari në zgjedhjet er 25 prillit, a keni një shpjegim pse kryeministri i hoqi çdo post politik?
Niko Peleshi: S’mund të bëj komente të tilla. Kam dëgjuar sot e u bashkohem vlerësimeve për punën e Taulant Ballës, qoftë si drejtuesi politik qoftë si sekretar i Përgjithshëm.
Ai do vijojë të jetë kryetar grupi dhe drejtues politik qarku.
Unë nuk e lexoj si ju, si demotivim apo mos dhënie haku atij që i takon.
Ne s’jemi të pazëvendësueshëm e kemi detyrë të bëjmë punën tonë e mos mërzitemi kur dikush tjetër ecën me shpejt se ne.
VAZHDO TË LEXOSH MË TEPËR PËR TEMËN
