Kosova arrin fitoren e parë në eliminatoret e një Botërori. Dardanët mposhtën Gjeorgjinë në transfertë me rezultat minimal 0-1. Goli i vetëm në këtë ndeshje u shënua në minutën e 18-të dhe ishte një autogol i Davit Khocholava.
Kjo fitore ngrit Kosovën në vendin e tretë në Grupin B të kualifikimeve për Katar 2022. Pjesa e parë e ndeshjes filloi shumë më mirë për Kosovën. Në 18’, Valon Berisha do të krosonte për të Muriqi, i cili goditi topin me kokë, por atë e devijoi Khocholava në rrjetin e tij.
Deri në fund të ndeshjes Kosova pati edhe dy dalje përpara, por që nuk arriti që të shënojë gol. Flagrant rasti në pjesën e dytë i Lirim Kastratit. Kosova do të shënonte në minutën e 86-të edhe një gol tjetër, por VAR do ta cilësonte atë në pozitë jashtë loje.
