Ka humbur jetën nga të shtënat me armë zjarri një efektiv policie në Ishull Lezhë.
Nga informacionet e para në vendin e ngjarjes bëhet me dije se i plagosur mbeti një oficer policie i cili më pas humbi jetën per shkak te plageve te marra.
Viktima eshte identifikuar si oficeri Saimir Hoxha.
Policia e Lezhes ne nje informacion paraprak beri me dije se oficeri eshte qelluar teksa ishte me grupin e kontrollit të territorit për parandalimin e kultivimit të bimëve narkotike.
Lezhë/Informacion paraprak
Rreth orës 10:30 ,në Ishull Lezhë ,në rrethana ende të paqarta është qëlluar me armë zjarri në drejtim të grupit të kontrollit të territorit për parandalimin e kultivimit të bimëve narkotike.
Si pasojë është plagosur me armë zjarri oficeri i Krimeve në Komisariatin e Policisë Lezhë shtetasi S. H., 44 vjeç, i cili për pasojë të plagëve të marra ka ndërruar jetë gjatë rrugës për në spitalin Rajonal Lezhë.
Shërbimet e Policisë kanë rrethuar zonën me qëllim kapjen e autorit.
Në ndihmë të Policisë lokale janë nisur forcat speciale Renea, grupe të FNSH-së dhe një grup i posaçëm hetimor nga Drejtoria e Përgjithshme e Policisë së Shtetit për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.
