22.10.2021 - 08:55
Kreu i Partisë Demokratike të Kosovës, Memli Krasniqi ka folur për komunikimin e tij me ish-presidentin Hashim Thaçi dhe ish-kreun e partisë, Kadri Veseli.
Krasniqi në Pressing të T7 e ka pranuar se ka folur me Thaçin e Veselin pas zgjedhjeve lokale në Kosovë.
Krasniqi nuk ka dashur të tregojë detaje nga kjo bisedë por tha se kur kanë mundësi të komunikojnë nuk flasin shumë për pjesën politike e partiake.
“Nuk mund të komentojë atë pjesë. Normalisht që jam dëgju me ta. I kam edhe miq, kam punuar me ta prej 2004 me zotin Thaçi pastaj edhe me Veselin. Kam komunikim herë pas here me ta, varësisht prej mundesive që i kanë. Duhet të them nuk flas shumë për pjesën politike, paritake, nuk e kemi shumë temë”, tha Krasniqi./ Gazeta Ekspres
