Në një intervistë të pak orëve më parë kryedemokrati Lulzim Basha u shpreh se çelësi i fitores së tij në vitin 2011 për Bashkinë e Tiranës ishte mospërfshirja e Sali Berishës në fushatë.
Teksa pritej që kësaj deklarate t’i përgjigjej Berisha, kundërpërgjigja ka ardhur nga deputetja e LSI-së Erisa Xhixho. Teksa publikon një foto nga fushata e Bashës në vitin 2011, ku shihen flamujt e PD-së dhe LSI-së, ajo tregon edhe se cilët janë sipas saj 3 çelësat që sollën fitoren e Bashës për Bahskinë e Tiranës.
“Tre çelesat e fitores të z.Basha në Bashkinë e Tiranës në 2011:
1-23 mijë votat e LSI për ty që kurrë si meritove.
2-1500 votat që Hysni Milloshi ia hoqi Edi Rames si aleat i LSI dhe i regjistruar prej saj .
3-50 votat që t’i mbrojti Arben Ristani si Kryetar i KQZ”, shkruan Erisa Xhixho.
“Lufta” e ashpër mes PD-së dhe LSI-së filloi mbrëmjen e djeshme, kur Sekretari i Përgjithshëm i Partisë Demokratike, Gazment Bardhi u shpreh se PD i kishte propozuar LSI-së që në 25 Prill të dilnin në një listë të përbashkët, me partinë e Monika Kryemadhit që do të kishte 15 mandate të sigurta.
Por ka qenë i menjëhershëm reagimi i Petrit Vasilit dhe Monika Kryemadhit, të cilët përgënjeshtruan Bardhin dhe hodhën akuza të shumta mbi PD-në.
Foto e publikuar nga Erisa Xhixho:
