Presidentja e Kosovës, Vjosa Osmani ka votuar mesditën e sotmë. Osmani gjatë procesit të votimit ka qenë e shoqëruar nga bashkëshorti i saj, teksa iu bëri apel qytetarëve të dalin dhe të votojnë, në mënyrë që të kenë më shumë të drejta.
“Detyrimi qytetarë për të kontribuar në demokracinë e vendit tonë nuk ka përfunduar më 17 tetor, sot është një ditë po aq e rëndësishme që përcakton fatin e komunave, ku gjithsecili prej jush dhe prej nesh jeton, prandaj është shumë më rëndësi që qytetarët t’i përgjigjen këtij detyrimi qytetar, në mënyrë që nesër pasnesër të kenë më shumë të drejta.
Shpresoj që sikur në të kaluarën, të kemi pjesëmarrje aktive të qytetarëve dhe të mos ketë incidente”, theksoi ajo.
Raundi i dytë i zgjedhjeve është duke u zhvilluar në 21 komuna.
