Nën titullin “Pse zonja e çelikut duhet të qëndrojë prapa hekurave”, “Der Bund” dhe “Tagesanzeiger“, gazetat e përditshme zvicerane, shkruan për aferën dhe arrestimin e Dijana Hrkaloviqit, duke thënë se presidenti serb, Aleksandar Vuçiq dhe ministri i brendshëm, Nebojsha Stefanoviq janë të lidhur direkt me mafinë gjersa aktualisht janë në një “luftë” që po e ndjek i gjithë kombi.
Në një nga nëntitujt shkruan, “Mafia dhe policia në Serbi”, dhe ai shpjegon se Dijana Hrkaloviq e bëri karrierën e saj në Ministrinë e Brendshme, si dikush që komunikonte drejtpërdrejt me qarqet mafioze dhe kryente punët e pista të Nebojsha Stefanoviqit.
Në tekst përmendet edhe Veljko Belivuk, por edhe Aleksandar Vuçiq, kur thuhet se në televizionet serbe janë paraqitur detaje të neveritshme të krimeve të Belivukut, si bluarjen e mishit, prodhimin e qebapëve nga pjesët e trupit të njeriut dhe të ngjashme. Autori i tekstit është i tmerruar nga ajo që ka parë në mediat serbe pro regjimit, raporton nova.rs.
Më tej ai shpjegon ngritjen e Dijana Hrkaloviqit. Ajo pretendon se të njëjtat media pro regjimit dikur e lavdëronin dhe e quanin “Zonja e çelikut”, ndërsa sot e “shkatërrojnë” dhe i bëjnë tekste për të brendshmet dhe fotot nudo. Autori i quan mediat pro regjimit një “makinë të së keqes” që është gati të shkatërrojë jetën e kujtdo që përbën rrezik për regjimin. Në tekst përmendet edhe djali i Vuçiqit, Danilo.
Autori kujton tekstet e publikuara nga KRIK dhe thekson se në të njëjtat foto ku ndodheshin anëtarët e klanit Belivuk, shihet edhe Danilo Vuçiq, djali i presidentit të Serbisë. Teksti kujton gjithashtu se KRIK publikoi dëshminë e Belivuk, në të cilën ai pretendonte se Vuçiq kërkonte që të frenonte fansat në tribunë që ata të mos bërtisnin “Vuçiq homoseksuali”.
Gazeta më tutje shkruajnë se arrestimi i Dijana Hrkaloviqit është vetëm një paralajmërim për Stefanoviqin për të mos publikuar materiale komprometuese shtesë lidhur me Presidentin e Serbisë.
