Presidenti i Republikës Ilir Meta është takuar me homologun francez Emmanuel Macron. Dy krerët e shteteve shihen duke shtrënguar dorën e njëri-tjetrit në një foto të postuar nga vetë Meta në Facebook.
Presidenca bën me dije se Meta do të marrë pjesë në Ceremoninë e 100-vjetorit të Armëpushimit të Luftës së Parë Botërore dhe në Forumin e Parisit për Paqen.
“Shumë i lumtur të takoj Presidentin e Francës, Emmanuel Macron, të shpreh vlerësimet për marrëdhëniet tradicionale dhe të shkëlqyera mes dy vendeve dhe rëndësinë e dinamizmit të tyre e njëkohësisht rolin e tij për një Europë më të fortë e më të bashkuar,” shkruan Meta.
Në këtë Forum, do të jenë të pranishëm shumë kryetarë shtetesh e qeverie, zyrtarë të lartë të organizatave botërore dhe personalitete të politikës.
