Policia kufitare perëndimore në Maqedoni ka sekuestruar ditën e sotme rreth 60 kg lëndë narkotike e llojit marijuanë.
Bazuar në informacionet nga mediat maqedonase, lënda narkotike është tentuar të futet në mënyrë të paligjshme në kufirin e gjelbër, nga një grup shtetasish shqiptarë që e kalonin kufirin në mënyrë të fshehtë dhe të paligjshme.
Mësohet se një pjesë e grupit është arrestuar ndërkohë që vazhdon ndjekja e personave të tjerë, të cilët mendohet se janë të përfshirë në këtë rast.
Operacioni, sipas raportimit nga Alsat, është në vijim e sipër, nga Qendra e Policisë Kufitare në Perëndim.
Të dhënat flasin për një trafik të mirëfilltë droge, ndërkohë që ende nuk janë zbuluar emrat e trafikantëve.
E panjohur për momentin është edhe destinacioni i lëndës narkotike që vinte nga Shqipëria.
