28.12.2021 - 16:43
Ish ministri i Mjedisit, Lefter Koka i arrestuar për skandalin me inceneratorët do dalë përballë gjykatës më datë 2 janar.
Pas Apelimit të vendimit të shkallës së parë nga Koka, për masë sigurie më të butë Gjykata e Apelit ka caktuar edhe datën kur do zhvillohet seanca për caktimin e masës së sigurisë ndaj tij.
SPAK e akuzon Lefter Kokën për shpërdorim të detyrës, pastrim të parave dhe korrupsion. Ai është vënë nën hetim nga SPAK pas kallëzimit të bërë nga LSI për aferën e inceneratorëve.
Lefter Koka fitoi mandatin e deputetit të Durrësit nën siglën e PS në zgjedhjet e fundit të 25 prillit, por pak muaj më vonë hoqi dorë nga mandati. Ai ka mbajtur postin e ministrit të Mjedisit nga viti 2013-2017.
