30.12.2021 - 20:53
Një aksident ka ndodhur mbrëmjen e sotme në Munellë, në Njësinë Administrative Gjegjan në Pukë. Nga informacioni paraprak rezulton të jetë një fuoristradë që ka dalë nga rruga duke përfunduar disa metra në greminë.
Në automjet mësohet se udhëtonin dy alpinistë dhe gazetari Alfred Lela i cili raportohet të jetë në gjendje të mirë shëndetësore pasi ka arritur të komunikojë me gazetarin Armir Mehaj, ku ndër të tjera i ka komunikuar se prej dy orësh presin të mbërrijë policia në vendngjarje.
Po ashtu ai shprehet se kanë humbur kontaktet me njërin prej alpinistëve. Gazetari Armir Mehaj dhe grupi i xhirimit i News24 është nisur drejt vendit të ngjarjes.
