Zgjedhja e Monikës në zinxhirin e nominimeve është diskutuar disa ditë rradhazi brenda shtëpisë së “Big Brother”,por nuk ka mbetur me kaq. Në njërin nga Prime-t duke diskutuar mbi marrëdhënien Ilir-Monika është përmendur si shkak i prishjes së kësaj marrëdhënie zgjedhja që bëri Monika, ajo shpëtoi Beatriksin dhe jo Ilirin.
Kjo gjë është komentuar edhe nga banorët jashtë shtëpisë më të madhe në Shqipëri. Sabiani e ka cilësuar zgjedhjen e Monikës si një mbështetje ndaj Donaldit, duke zgjedhur Beatrixën. Këngëtari e ka quajtur ‘tradhtare’ Monikën, ndërsa e akuzon se kjo është një lojë e saj për të arritur në finale.
Por ditën e djeshme gjatë kohës kur banorët ishin duke biseduar në oborr është vendosur kënga e Sabianit “Tradhtare” dhe menjëherë banorët kryesisht Monika dhe Arjola kanë filluan të këndojnë duke “vajtuar” e kërcejnë duke ironizuar titullin e këngës “Tradhtare” pasi kështu u shpreh dhe Sabiani ndaj Monikës në debatin e lartpërmendur.
Ndërkohë Donaldi i është drejtuar Monikës duke i thënë se: “ E bëri vilën në Lalëz ai, vajtoni për Sabianin ju”. Me këtë koment kanë qeshur të gjithë banorët por nuk ka pasur asnjë reagim nga ana e Ilirit apo Monikës.
Ky projekt i Sabianit është publikuar pak ditë pas largimit të tij nga spektakli BB VIP, në të cilin qëndroi për më shumë se 50 ditë.
