Një migrenë hemiplegjike është një lloj i rrallë i migrenës që mund të shkaktojë dobësi apo edhe paralizë në njërën anë të trupit. Njerëzit që kanë migrenë me aurë janë më të prirur ndaj këtyre llojeve të dhimbjeve të kokës, por ka edhe faktorë të tjerë që mund të rrisin rrezikun.
Çfarë është migrena hemiplegjike?
Migrena prek 15 deri në 20 për qind të njerëzve, por migrena hemiplegjike përbën më pak se 1 për qind të këtyre rasteve. Kjo shumëllojshmëri e rrallë e migrenës me aurë mund të përfshijë simptoma vizuale, që ndodhin para ose gjatë një episodi migrene.
Ashtu si llojet e tjera të migrenës, migrena hemiplegjike shkakton:
dhimbje të forta dhe pulsuese
të përziera
ndjeshmëria ndaj dritës dhe zërit
Mund të shkaktojë gjithashtu dobësi të përkohshme, mpirje dhe ndjesi shpimi gjilpërash dhe paralizë në njërën anë të trupit. Këto simptoma fillojnë para dhimbjes së kokës. “Hemiplegji” do të thotë paralizë.
Migrena hemiplegike prek një numër të vogël njerëzish që marrin migrenë me aurë. Aura përfshin simptoma vizuale, që ndodhin para ose gjatë një sulmi migrenë.
Aura përfshin gjithashtu probleme të tjera shqisore dhe probleme në të folur. Tek njerëzit me migrenë hemiplegike, dobësia ose paraliza ndodh si pjesë e aurës.
Cilat janë simptomat e migrenës hemiplegjike?
Simptomat e migrenës hemiplegjike mund të përfshijnë:
dobësi në njërën anë të trupit, duke përfshirë fytyrën, krahun dhe këmbën
mpirje ose ndjesi shpimi gjilpërash në anën e prekur të fytyrës ose gjymtyrëve
shikimi i dyfishtë ose shqetësime të tjera të shikimit (aura)
probleme me të folurin ose të folur të paqartë
përgjumje
marramendje
humbja e koordinimit
Në raste të rralla, njerëzit me migrenë hemiplegjike kanë simptoma më serioze, si:
konfuzion
humbja e kontrollit mbi lëvizjen
ulje e vetëdijes
humbje kujtese
koma
Simptomat mund të zgjasin nga disa orë në disa ditë, por humbja e kujtesës ndonjëherë mund të vazhdojë me muaj.
Si trajtohet migrena hemiplegike?
Shumë nga të njëjtat barna të përdorura për trajtimin e migrenës klasike funksionojnë edhe për migrenën hemiplegike. Mjeku mund të përshkruajë një ilaç parandalues dhe qetësues. Medikamentet parandaluese për migrenën kanë për qëllim të parandalojnë dhimbjet e kokës së migrenës përpara se të ndodhin, dhe medikamentet abortive (qetësues)ndihmojnë në ndalimin e një episodi të migrenës ashtu siç po ndodh.
Medikamente parandaluese
Medikamentet parandaluese të migrenës përfshijnë:
beta-bllokues
onabotulinumtoksina A (Botox)
Antagonistët e CGRP
antikonvulsantët
bllokues i kanalit të kalciumit (verapamil, veçanërisht)
ilacet kundër depresionit
Ndërsa migrena hemiplegike nuk është e lidhur saktësisht me goditjen në tru, simptomat janë aq të ngjashme sa që është një ide e mirë të kërkoni kujdes mjekësor për simptoma si dobësi e papritur ose të folur të paqartë.
Nëse keni një histori të këtij lloji të migrenës, punoni me një mjek për të krijuar një plan trajtimi që mund t’ju ndihmojë të lehtësoni dhe parandaloni simptomat.
