Kur jemi në timon dhe na duhet të drejtojmë makinën, gjëja më kryesore është përqëndrimi i lartë për të shmangur mundësinë e aksidenteve rrugore. Për të arritur këtë, me rëndësi është të mos jemi nën efektin e ilaçeve që ndikojnë për keq e duhen shmangur. E sigurisht që ka medikamente të tillë përsa kohë që ashtu si alkooli, edhe këto ilaçe mund të ndryshojnë gjendjen psikofizike të drejtuesit të mjetit. Po kështu, edhe disa lloje ilaçesh, veçanërisht nëse nuk merren si duhet, mund të jenë në gjendje të komprometojnë qartësinë e nevojshme për drejtimin e automjetit. Ndër këto mund të përmendim:
Anksiolitikët
Këto janë barna psikotrope që përdoren për të trajtuar çrregullimet e krijuara nga ankthi dhe stresi, ndonjëherë përdoren edhe për trajtimin e çrregullimeve të gjumit. Më të zakonshmet bazohen në benzodiazepinat. Ndër efektet anësore më të shpeshta mund të kenë qetësim, përgjumje dhe vështirësi psikomotore.
Ilaçet kundër depresionit
Ato përdoren për të trajtuar depresionin dhe veprojnë në disa neurotransmetues në tru. Efektet anësore mund të ndryshojnë në varësi të grupit të barnave që përdorni, megjithatë këtu mund të përmendim shqetësime të shikimit, përgjumje dhe tensionim.
Ilaçe gjumi
Këto medikamente përdoren për të trajtuar problemet e pagjumësisë. Ndër efektet anësore më të zakonshme janë ndjesi shpimi gjilpërash në zona të ndryshme të trupit, marramendje, dhimbje koke dhe vështirësi në përqendrim.
Relaksuesit e muskujve
Ky lloj medikamenti synon të relaksojë muskujt skeletorë dhe të lëmuar (kryesisht të pavullnetshëm) dhe përdoret kryesisht për të lehtësuar ndjesinë e dhimbjes pas problemeve të muskujve.
Antihistaminikët
Përdoren në rast alergjie. Ka disa lloje dhe disa nga efektet anësore përfshijnë: vështirësi në frymëmarrje, përgjumje dhe marramendje. Rreziqet: Mund të arrihet në përfundimin se disa lloje ilaçesh mund të ndikojnë në kushtet e drejtimit, pasi ato mund të ndryshojnë përqendrimin, shikimin, mund të shkaktojnë përgjumje dhe, në përgjithësi, të ndikojnë në kushtet psikofizike dhe reflekset e atyre që qëndrojnë në timon.
