Kryetari i Bashkisë së Fierit, Armando Subashi, ka nisur turin e dëgjesave publike për projektbuxhetin e vitit 2019-të.
Diskutimi për rreth buxhetit,në ndalesën e parë ishte në Frakullë, ku pjesë e rëndësishme ishte edhe trajtimi i problematikave të zgjidhura dhe atyre që duhet të zgjidhen.
Kryetari i bashkisë Armando Subashi, i shoqëruar nga nënkryetarët, administratori i përgjithshëm dhe drejtues të lartë të institucionit, pasi paraqiti një përmbledhje të realizimeve dhe shpërndarjes së buxhetit të vitit 2018 u ka kërkuar të pranishmëve, përfaqësues të të gjithë fshatrave të kësaj njësie që të paraqesin prioritetet e tyre, me qëllim pasqyrimin më pas në buxhetin 2019.
Procesi i dëgjesave publike është kthyer tashmë në një model qeverisje për bashkinë e Fierit, e cila është ndër bashkitë e para në vend që e ka vënë në zbatim, duke nxitur transparencën dhe frymën bashkëqeverisëse me qytetarët.
