Andrea Agnelli foli në Londër gjatë “FT Business of Football Summit”, një event i organizuar nga Financial Times dhe kushtuar lajmeve në botën e futbollit. Ashtu siç pritej, numri një i Juventusit prek temën e Superligës:
“Për mendimin tim, futbolli evropian ka nevojë të dëshpëruar për reforma. Kompromisi nuk është një zgjedhje tani, ka nevojë për reforma më të thella. Një organ monopol është i aftë të udhëheqë. Një biznes si futbolli? Mendoj se jo.
Pse dështoi Superliga? Nuk dështoi. UEFA e dinte që si president i Juventusit po punoja për diçka ndryshe. Një punë kolektive e 12 skuadrave, jo vetëm një person. Këto 12 kompani kanë nënshkruar një kontratë 120 faqesh dhe ajo është ende e detyrueshme për 11 prej tyre”.
I pyetur nëse UEFA duhet të shpërbëhet, Agnelli u përgjigj: “Unë do të ulem, do të mbështes qeverisjen transparente dhe do të pres që Këshilli Evropian i Drejtësisë të thotë nëse organi aktual është i përshtatshëm”.
Dhe për faktin nëse e sheh Juventusin në Champions League pas 5 vitesh: “E shoh Juven duke luajtur në kompeticionin më të rëndësishëm europian në 5 vite”, përfundoi presidenti i Juventusit.
VAZHDO TË LEXOSH MË TEPËR PËR TEMËN
“Real, Barça dhe Juve gënjejnë më shumë se Putin”
