I dërguari i SHBA në Ballkanin Perëndimor, Gabriel Escobar ka deklaruar se Mali i Zi mbetet një objektiv tërheqës për Moskën. Sipas tij, kjo është arsyeja pse Shtetet e Bashkuara dhe partnerët e saj euroatlantikë duhet të shtojnë përpjekjet kolektive për të kundërshtuar veprimet armiqësore të presidentit rus Vladimir Putin.
E njëjta ideologji e gabuar po e shtyn Kremlinin të parandalojë dhe ngadalësojë integrimin euroatlantik të Ballkanit, tha Escobar për të përditshmen malazeze, Vijesti.
Ai u bëri thirrje të gjithëve në Ballkanin Perëndimor që ta mbajnë Putinin përgjegjës për pushtimin e Ukrainës.
“Derisa shpaloset kjo katastrofë humanitare, ju duhet ta pyesni veten se për çfarë është gati Putin gjetkë në botë, përfshirë edhe Ballkanin Perëndimor”, tha Escobar.
Duke ndjekur politikën e Bashkimit Evropian, Qeveria e Malit të Zi ka vendosur sanksione kundër Rusisë më 1 mars, por nuk i ka marrë vendimet e nevojshme për t’i zbatuar ato.
VAZHDO TË LEXOSH MË TEPËR PËR TEMËN
