Pas shkëlqimit për herë të fundit në vitin 2018, duket se Roger Federer ka filluar të venitet dhe vështirë më të ringrihet edhe njëherë tjetër. Alexander Zverev është finalisti i parë i turneut ATP Championship që po zhvillohet në Londër.
Tenisti 21-vjeçar gjerman eliminoi në gjysmëfinalen e luajtur sot pasdite zviceranin Roger Federer, duke fituar 2-0 me sete (7-5, 7-6). Një ndeshje me rivalitet dhe emocione në të dyja setet, të cilat u fituan në pikët shtesë nga tenisti gjerman, që kualifikohet për herë të parë në finale e një turneu ATP Championship, ku luajnë vetëm 8 tenistët më të mirë në botë.
Sascha stuns Federer.
Zverev plays a near perfect match to defeat Federer 7-5, 7-6 (5)
Watch #NittoATPFinals → https://t.co/tPoe44C26q pic.twitter.com/BEEZnBfeY3
— Tennis Channel (@TennisChannel) November 17, 2018
Federer ishte në kërkim të trofeut nr.100 në karrierën e tij, por nuk arriti të shkojë më shumë se gjysmëfinalja në këtë event. Zvicerani nuk arriti të bëjë diferencën në momentet vendimtare, duke gabuar.
Ndërsa Zverev luajti më i qetë dhe arriti të administrojë mirë avantazhin e krijuar në setin e parë, ku fitoi një “game” me topat e rivalit. Në setin e dytë gjithçka u vendos në “tie break”, me Zvere që fitoi me meritë dhe siguron finalen e Londrës. Në finale, Zverev do të luajë me fituesin që do të dalë nga ndeshja tjetër gjysmëfinale, ajo mes serbit Novak Djokovic dhe afrikano-jugorit Kevin Anderson.
VAZHDO TË LEXOSH MË TEPËR PËR TEMËN
Federer pas eliminimit: S’merrja dot frymë
Federer: Kurrë nuk tallem me rivalin tim!
