Kombëtarja shqiptare është rikthyer në shtëpi pas humbjes minimale në Barcelona në ndeshjen miqësore ndaj Spanjës. Kuqezinjtë nuk mund të humbin kohë, pasi i pret një tjetër përballje.
Testi i radhës për Shqipërinë është kundër Gjeorgjisë në datën 29 mars, në orën 18:00. Shitja e biletave ka nisur që me hapjen e sportelit te stadiumi “Selman Stermasi”, që ishte e vetmja pikë në Tiranë deri pak kohë më parë.
Por tani tifozët mund të marrin biletat dhe tek stadiumi “Air Albania”, pasi është bërë me dije në faqen e federatës në Instagram. Pritet që interesi të jetë i lartë për miqësoren e dytë të Shqipërisë.
View this post on Instagram
Natyrisht, priten edhe ndryshime në përbërje, duke nisur nga porta në sulm, në mënyrën që t’u jepet mundësi edhe atyre që nuk u aktivizuan në sfidën me Spanjën.
