Për herë të fundit që kishin shijuar një Botëror daton në vitin e largët 1986, në Botërorin e Meksikës. Kanadaja rikthehet në turneun më të rëndësishëm pas 36 vitesh pritje dhe këtë e bëri një xhiro përpara fundit.
Përcaktues në këtë rikthim ishte fitorja e fundit kundër Xhamajkës me rezultatin e pastër 4-0. Një lajm pozitiv është edhe rikthimi i Davis. Anësori i Bayern Munich ka lënë pas problemet kardiake, është rikthyer të stërvitet me kohë të plotë, dhe pritet të jetë në dispozicion të Bayern në fillim të muajit prill.
Nëse gjërat do shkojnë sipas parashikimeve do të jetë në dispozicion edhe të përfaqësueses kanadeze për Botërorin e Katarit. Ironia e fatit qëndron se Kanadaja ka siguruar dy finale Botërori radhazi, pasi në 2026 kualifikohet direkt si vend pritës, së bashku me SHBA-në dhe Meksikën.
