Në emisionin ‘Pikat mbi i’ në ‘News24’ gazetari Artan Hoxha foli për aferën e inceneratorëve.
Gjatë bisedës në studio ai theksoi se qeveria e sotme është e përfshirë në këtë aferë sepse sipas tij kryeministri Rama e di shumë mirë se sa para gjeneron pastrimi i mbetjeve, duke shtuar se ai i ka pastruar mirë gjurmët dhe faji mbetet tek nivelet e dyta dhe të treta.
Artan Hoxha: Pse kjo qeveri është përfshirë tek pastrimi i mbetjeve? Sepse vetë Rama ka qenë tre mandate kryetar bashkie dhe e di shumë mirë se çfarë parash investohen aty. Është proces i përditshëm, janë para që vijnë çdo ditë. Rama e njeh këtë histori. Por sot jemi tek problemi tjetër. A na çojmë gjurmët te Rama? Mesa shoh unë nuk na çojnë, i ka ndërprerë mirë gjurmët. Sot mendoj që për këtë çështje duhet dëgjuar çdo zë opozitar.
Artur Zheji: Rama është munduar të mbajë një rreth të ngushtë të cilët nuk ekspozohen në mënyrë të drejtpërdrejtë dhe gjithmonë do të lejë të kuptojë tek të tretët se është një incident i bërë nga nivelet e dyta dhe të treta dhe ai nuk di gjë i ka rrëshqitur. Rama është treguar i kujdesshëm që fijet e kësaj regjie të mos shkojnë tek ai.
VAZHDO TË LEXOSH MË TEPËR PËR TEMËN
Pse Basha po i tregon plehrat me gisht?
Reagon Berisha: Kam qenë i pari që i kam denoncuar!
