Këtë të hënë, do të mbërrijë në Tiranë një delegacion i Komisionit të Venecias, në kuadër të platformës së propozuar nga PD për Vetting-un në politikë.
Mësohet se delegacioni do të përbëhet nga 6 anëtarë dhe do të drejtohet nga presidentja e nderit të Komisionit Venecias, Hanna Suchocka.
Suchocka do të zhvillojë një seri takimesh me përfaqësuesit politik në vend për tu njohur gjerësisht me propozimin partisë demokratike për të kaluar në sitë integritetin e politikanëve në vend kjo për qellim dekriminalizimin dhe shkëputjen e lidhjeve me krimin.
Komisioni i Venecias është vënë në lëvizje pas kërkesës së kreut të kuvendit Gramoz Ruçi, i cili kërkoi një opinion të hollësishëm për vettingun në politikë.
Në letrën drejtuar në fillim të muajit Tetor, presidentit Gianni Buquicchio, Ruçi ngriti 14 pyetje, të cilat në thelb kishin qëllimin e projektligjit dhe e pyet komisionin nëqoftëse ky qëllim është legjitim.
Gjithashtu, kryetari i Kuvendit kërkon opinion nga Komisioni i Venecias dhe për një pikë të rëndësishme të debatit, që ngrihet mbi propozimin e demokratëve, nëqoftëse vettingu në politikë afekton punën e strukturës së posaçme antikorrupsion dhe Byros Kombëtare të Hetimit.
Vettingu në politikë qëndron mbi një moment të rëndësishëm politik, pasi Partia Demokratike, ka kushtëzuar sjelljen normale me institucionet në vend.
VAZHDO TË LEXOSH MË TEPËR PËR TEMËN
Vetting-u në politikë/ Videoja ironizuese e Ramës për Bashën
Komisioni i Ligjeve/ Nis shqyrtimi i plaformës së PD-së
Vetting-u në politikë/ Sot shqyrtohet nisma e PD-së
