Presidenti serb, Aleksandër Vuçiç këtë të mërkurë ësjhtë përgjigjur kryeministrit të Kosovës, Albin Kurti dhe homologut të tij malazez, Milo Gjukanoviç në lidhje me akuzat që këta të fundit kanë bërë për armatosjen eSerbisë.
Vuçiç përmes një deklarate për mediat është shprehur se ato duhet që “ta lënë Serbinë rehat”dhe të ndalin kritikat në lidhje me marrjen e armatimeve nga Kina.
Ndër të tjera në fjalën e tij Vuçiç e ka quajtur veten një “ujk të vetmuar”, madje duke refuzuar të jetë edhe luan, sepse, sipas tij, luanët, elefantët dhe tigrat mund të shihen në cirk, por “nuk ka kurrë ujqër të vetmuar në cirk”.
“Ne në Ballkan kemi mjaft nga këto kafshë madhështore dhe më mirë do ta pranoja gjithmonë rolin e një ujku të vetmuar, jo të hienës, të paturpshëm dhe të pamoralshëm, sado që të jenë tre, pesë, gjashtë, e ndonjëherë edhe 19. Më keq se hienat që duhet të japësh, respekti për gjakmarrjen, është të jesh një mizë mashtruesi, që rrotullohet rreth tyre dhe pret që ata të sjellin prenë e tyre dhe të tillë janë Kurti dhe Gjukanoviç”, është shprehur presidenti serb.
Vuçiç në fjalën e tij ka theksuar se lideri i Kosovës dhe ai i Malit të Zi po e damkosin Serbinë kur po e paraqesin si të rrezikshme për rajonin, derisa ai u mundua ta shfaqë vendin e tij si paqësor përkundër që ka qenë shkaktar i luftërave në rajon.
Për më tepër, ai ironizoi duke thënë se sistemet anti-raketore i blejnë për mbrojtje nga armiku, duke shtuar se për t’u mbrojtur nga Kosova e Mali i Zi s’i nevojiten këto armë, por “spreji i mushkonjave”.
“Sistemi jonë shërben për të shkatërruar raketa, aeroplan-mbajtëse ajrore që do të shkelte hapësirën ajrore të Serbisë. Pra, pyes veten se si e rrezikojmë Prishtinën, si po e rrezikojmë Podgoricën në këtë mënyrë? Për të bërë shaka, më mirë të kishim blerë sprej Autan sepse më e rëndësishme për ne është të mbrohemi nga mushkonjat dhe mizat sesa nga ndonjë forcë serioze ajrore që ata mund të kenë. Por t’i lëmë shakatë”, ka thënë ai ndër të tjera.
Vuçiç ndër të tjera ka thënë se serbët vetë dhe tha se blerja e armëve nga Kina ishte legjitime dhe transparente.
“Lëreni Serbinë të qetë, mos gënjeni, mos mashtroni publikun. Serbia do ta gjejë rrugën e saj ashtu siç duan qytetarët. Ne jemi krenarë për faktin se ne duam ta mbrojmë vendin vetë, jo NATO në emrin tonë. Ne jemi të ndryshëm në këtë dhe ne nuk kanë turp për këtë”, përfundoi ai.
VAZHDO TË LEXOSH MË TEPËR PËR TEMËN
‘Thaçi nuk e ka përkrahjen e popullit’
