Barcelona e katranos pikërisht atëherë kur dukej se ishte më në formë. Katalanasit humbën 2-3 në shtëpi me Eintracht Frankfurt dhe eliminohet nga Europa League, me takimin e parë që kishte përfunduar 1-1.
Kostic shënoi që në minutën e katërt për miqtë pas një penalltie. Barcelona hidhet e gjitha në sulm, por në 36’ vjen një supergol i Borre, në dy daljet e vetme të gjermanëve. Pjesa e parë përfundoi 0-2 për miqtë.
Kur pritej kthesa e Barcelonës, ndodh e kundërta, është Eintracht që shënon edhe golin e tretë në 67’. Është sërish Kostic që shënon. Goli i Busquets në 91’ dhe Depay në 99’ ishin thjesht për statistika. Barcelona kapitullon, gjermanët kalojnë në gjysmëfinale dhe do të ndeshet me West Ham, që mundi Lyon 0-3.
CONFERENCE LEAGUE – Roma është hakmarrë ndaj Bodo/Glimt, duke fituar 4-0. Një hakmarrje e ëmbël pas dy humbjeve në Norvegji dhe pas një barazimi në grupe. Abraham shënoi golin e parë, ndërsa më pas Zaniolo shënoi 3 gola. Kumbulla nuk u aktivizua edhe pse ndodhej në stol. Roma do të ndeshet me Leicester në gjysmëfinale.
Në dy ndeshjet e tjera të mbrëmjes Marseille mundi grekët e PAOK edhe në kthim, 0-1, kur kishte fituar sfidën e parë 2-1. Stadiumi “zjarr” në Selanik, por nuk mjaftoi. Marseille do të ndeshet me Feyenoord, me holandezët që fituan 1-3 në fushën e Slavia Prague, kur ndeshja e parë kishte përfunduar 3-3.
