Për disa ditë me rradhë banorët e zonës së Astirit vijojnë protestën, në kuadër të projektit të fundi për Unazën e Re.
Ata kanë bllokuar sërish kalimin në rrugën tek Unaza e Re, pasditen e sotme.
Sipas dëshmive të banorëve, një punonjës i policisë u ka shkuar tek disa prej tyre dhe i ka lajmëruar ata të zhvendosin automjetet që i kanë në oborret e banesave të tyre sepse aty do të ndërtohet një shesh ku do të qëndrojnë fadromat dhe makineritë e tjera që do të merren me ndërtimin e Unazës së Madhe të kryeqytetit.
“Vazhdojnë provokimet minutë pas minute. Edhe me tanke nuk do i prishin dot këto shtëpia. Si do të veprojmë askush nuk e di. Nëse këtyre banorëve u ka ikur truri, ai duhet ti vërë gishtin kokës.”
Ndërkohë sot banorët kanë dorëzuar në prokurorinë e Tiranës një padi ndaj kryebashkiakut Veliaj për fyerje. Ndërsa ARRSH ka ftuar në bisedime një përfaqësi të tyre.
Banorët e Astirit nuk kundërshtojnë projektin, por mënyrën sesi po sillet qeveria dhe bashkia për zhvendosjen e tyre.
Ata thonë se protesta do të vazhdojë deri në marrjen e një zgjidhje për dëmshpërblimin 100% të banesave.
Kjo është dita e 16 e protestës nga banorët dhe në mbështetje të tyre janë edhe deputetë të PD-së dhe LSI-së.
“Qeveria të mos luajë me këta banorë, por të vinë këtu dhe tu japin zgjidhje. Banorët duan një orë e më parë zgjidhje.”
VAZHDO TË LEXOSH MË TEPËR PËR TEMËN
Basha paralajmëron fakte/ Skema e hajdutërisë tek Unaza e Re
