Prokuroria e Posaçme kundër Korrupsionit dhe Krimit të Organizuar, ka nisur një hetim pasuror ndaj ish-deputetit të Partisë Socialiste, Alqi Bllako.
Gazetarja e Panorama.al, Nikoleta Kovaçi raporton se procesi për verifikimet e pasurisë së Bllakos kanë nisur prej disa ditësh.
Kujtojmë se SPAK vendosi nën sekuestro një apartament në pronësi të babait të Alqi Bllakos, Edmond Bllakos. Tashmë edhe llogaritë e tij bankare janë vendosur nën hetim nga organi i akuzës.
Vetëm disa ditë më parë, Bllako dëshmoi përpara prokurorëve të SPAK duke mohuar të gjitha akuzat në drejtim të tij për përfshirjen në aferën e inceneratorëve.
Ish-deputeti socialist foli edhe për kontratën e punësimit të babait të tij ku deklaroi se ajo nuk është firmosur nga Klodian Zoto.
AKUZAT
Alqi Bllako akuzohet për korrupsion dhe shpërdorim detyre që bazuar në hetimet e SPAK-ut, e implikojnë atë si të dyshuar në aferën e Inceneratorit të Fierit. Po në dosjen hetimore, del se deputeti ka kryer udhëtim me avion drejt Italisë së bashku me Klodian Zoton, ish-administratorin e Inceneratorit të Fierit.
Ndaj të dyshuarit janë dy pozicionet e detyrave që mbajti, njëra prej tyre, sekretar i Përgjithshëm i Ministrisë së Mjedisit, në kohën kur ky institucion drejtohej nga Lefter Koka, tashmë nën dy masa arresti për këto afera dhe tjetra, kur drejtonte AKUM-në, ku sërish dyshohet se ka firmosur gjatë kësaj kohe për çështje që e lidhin me Fierin.
SPAK-u këmbëngul se Alqi Bllako, me veprimet dhe mosveprimet e tij, ka qenë në dijeni të plotë të vlerësimit të shpronësimit në kundërshtim me ligjin. Si rrjedhojë, sipas SPAK-ut, në bashkëpunim Koka dhe Bllako kanë lejuar ardhjen e pasojës që ka sjellë shkaktimin e dëmit prej 16.288.000 lekë.
VAZHDO TË LEXOSH MË TEPËR PËR TEMËN
Pas Alqi Bllakos, Lefter Koka pritet të dëshmojë sot në SPAK
Pandeli Majko rikthehet në Parlament! Kuvendi shpalli sot vakancën
A është gjunjëzuar në këmbët e Sali Berishës edhe SPAK?
