Ndryshon sërish çmimi i karburantit në vend. Në mbledhjen e sotme të Bordit të Transparencës u vendos se sa do të jetë çmimi për benzinën, naftën dhe gazin për ditën e sotme.
Mësohet se çmimi i naftës ka pësuar rritje, ku çmimi ka shkuar 233 Lekë/litri, benzina 213 Lekë/litri, ndërsa gazi 104 Lekë /litri.
Vendimi i Bordit të Transparencës datë 27.4.2022
Bordi i Transparencës i mbledhur në datë 27 Prill 2022 vendosi çmimet e reja të shitjes së karburanteve me pakicë dhe shumicë për tregun vendas. Këto çmime reflektojnë ndryshimet që janë shfaqur në tregjet ndërkombëtare.
Nisur sa më sipër, bazuar në metodologjinë e ndërtimit të çmimeve sipas nenit 21/5 të Aktit Normativ, Bordi vendosi:
Miratimin e çmimit tavan të tregtimit me shumicë të produkteve për datën 27.04.2022 deri në mbledhjen e ardhshme të Bordit, si më poshtë:
•221 Lekë/litri për gazoilin;
•201 Lekë/litri për benzinën;
•92 Lekë/litri për gazit të lëngshëm të naftës.
Miratimin e çmimit tavan të tregtimit me pakicë të produkteve për datën 27.04.2022 deri në mbledhjen e ardhshme të Bordit, si më poshtë:
•233 Lekë/litri për gazoilin;
•213 Lekë/litri për benzinën;
•104 Lekë /litri për gazit të lëngshëm të naftës.*( çmimi i shitjes për gazin e lëngshëm të automjeteve do jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).
Vendimi i Bordit hyn në fuqi dhe do reflektohet në datë 27.04.2022, ora 18.00 p.m, deri në mbledhjen e ardhshme të bordit, me qëllim pasqyrimin në çmimin e shitjes me pakicë të këtyre nënprodukteve, të ndryshimeve të mundshme të çmimeve në tregjet ndërkombëtare.
Çdo operatOr i shitjes me shumicë dhe pakicë i nënprodukteve të naftës është i detyruar të zbatojë Vendimin e Bordit të Transparencës, në lidhje më çmimet e shitjes me shumicë dhe pakicë.
Organet ligjzbatuese do të kontrollojnë zbatimin e vendimeve të Bordit të Transparencës çdo ditë. Në rast të shkeljeve të konstatuara nga operatorë të ndryshëm do të vendoset pezullim aktiviteti,heqje licence dhe sekuestrim.
VAZHDO TË LEXOSH MË TEPËR PËR TEMËN
Bordi i transparencës mban të pandryshuar çmimin e vajit
Bordi i Transparencës nuk rishikon çmimin e vajit të lulediellit
