Rusia i ka mohuar të gjitha spekulimet se do të shpallë zyrtarisht luftë në Ukrainë më datë 9 maj. Vazhdimisht Moska ka mohuar se është në luftë, dhe në vend të kësaj, gjithmonë ka artikuluar se po zhvillon një “operacion special ushtarak” në Ukrainë.
Por zyrtarët perëndimorë kanë spekuluar se presidenti Vladimir Putin mund të përdorë Paradën e Fitores së 9 majit për të shpallur një përshkallëzim të aksionit ushtarak.
Zëdhënësi i Kremlinit, Dmitry Peskov, megjithatë, tha se thashethemet janë të vërteta.
Sekretari i Mbrojtjes i Mbretërisë së Bashkuar, Ben Wallace tha javën e kaluar se parada e Moskës, që shënon disfatën e nazistëve dhe Luftës së Dytë Botërore, mund të përdoret për të nxitur mbështetjen për një mobilizim masiv të trupave dhe për shtyrjen e agresionit rus në Ukrainë.
Zyrtarët rusë i referohen pushtimit vetëm si një “operacion ushtarak special” për të “çmilitarizuar” ose “de-nazifikuar” Ukrainën, duke iu referuar një pretendimi të pabazë për nazistët në qeverinë ukrainase.
Përveç paradës vjetore në Moskë, ka gjithashtu raporte të vjetra se Kremlini po planifikon një lloj parade shtesë në qytetin e Mariupol në jug të Ukrainës, pothuajse e gjitha tani është nën kontrollin rus. Forcat ukrainase mbeten në një zonë të qytetit – një fabrikë e madhe industriale çeliku e quajtur Azovstal.
VAZHDO TË LEXOSH MË TEPËR PËR TEMËN
