Britney Spears njoftoi se ka humbur fëmijën e saj, duke postuar lajmin në një deklaratë në llogarinë e saj në Instagram.
Spears, 40 vjeç, tha muajin e kaluar se ishte në pritje të një fëmije me të fejuarin Sam Asghari, ajo vendosi të bënte një test shtatzanie pasi e gjeti veten duke shtuar në peshë. Por në një deklaratë në llogarinë e saj në Instagram, ajo njoftoi se çifti e ka humbur “fëmijën e tyre të mrekullisë”.
“Kjo është një kohë shkatërruese për çdo prind”, thuhet në deklaratën e saj. “Ndoshta duhet të prisnim të njoftonim derisa të ishim më tej në shtatëzani, megjithatë ishim tepër të emocionuar për të ndarë lajmin e mirë.”
Deklarata e saj vazhdoi duke thënë se ajo dhe Asghari do të vazhdojnë të përpiqen “të zgjerojnë familjen e tyre të bukur”, por kërkuan privatësi ndërsa përballojnë humbjen e madhe.
Postimi në Instagram kishte mbishkrimin: “Ne jemi mirënjohës për atë që kemi në procesin e zgjerimit të familjes sonë të bukur. Faleminderit për mbështetjen tuaj.”
View this post on Instagram
“Me pikëllimin tonë më të thellë duhet të njoftojmë se kemi humbur fëmijën e mrekullisë në fillim të shtatzënisë,” thuhet në deklaratën e Britney dhe Sam.
Ata vazhduan: “Ndoshta duhet të kishim pritur më shumë për të parë se si do të shkonte gjithçka, por kur bëhet fjala për lajme të mira, nuk u përmbajtëm dot, ndaj e ndamë aq shpejt me ju. Dashuria për njëri-tjetrin është forca jonë. Ne do të vijojmë të përpiqemi që të zgjerojmë familjen tonë. Ju faleminderit për suportin. Ju kërkojmë me përulësi pak privatësi pas kësaj humbjeje të madhe”
VAZHDO TË LEXOSH MË TEPËR PËR TEMËN
Pse Britney s’po martohet ende me Sam Asghar-in?
Britney na tregon në mënyrën më të çuditshme se është shtatzënë
