Franca njohu shtetin shqiptar, më 24 maj 1922. Njëqind vjet më parë, mes dy vendeve u vendosën marrëdhënie diplomatike. Ndërsa njihet qëndrimi skeptik nga ana e saj, për integrimin e Shqipërisë në BE.
Në kohët e errëta të mbylljes së vendit nga regjimi komunist, kur Shqipëria do të përcillte diktatorin, udhëheqës suprem i shqiptarëve të indoktrinuar, “Le monde” do të ngjallte kundërpërgjigjjen e njerëzve të letrave, në Tiranën e kohës…
Nga: Aurenc Bebja*, Francë
“Le Monde” ka botuar, të premten e 26 prillit 1985, në faqen n°2, letrën e Ismail Kadaresë në lidhje me pakënaqësinë e botimit në këtë media të deklaratës së Leka Zogut I me rastin e vdekjes së Enver Hoxhës, të cilën, Aurenc Bebja, nëpërmjet Blogut “Dars (Klos), Mat – Albania”, e sjell për publikun shqiptar:
Letër nga lexuesit
E kisha për detyrë t’ju shkruaj këtë letër pasi lexova në gazetën “Le Monde” shkrimet e botuara ditët e fundit, me rastin e vdekjes së liderit të popullit shqiptar, Enver Hoxhës.
(…) Sigurisht, gazetarët tuaj kanë të drejtë të kenë mendimin e tyre për rendin shoqëror të një vendi, për idetë që ai mbron dhe për politikën e tij. Megjithatë, më duket se është e padinjshme të ofendosh një popull në kohë zie dhe dhimbjeje, siç ndodh në artikujt e gazetës suaj. Populli shqiptar ka një histori të gjatë plot vështirësi, prandaj e di shumë mirë pse përjeton dhimbjen, si e manifeston atë dhe për kë duhet të vajtojë. Emri i Enver Hoxhës është i lidhur në mënyrë të palëkundur me themelet, historinë dhe ndërtimin e Shqipërisë së re. Kjo është ajo që përcakton përmasat e figurës së tij dhe, rrjedhimisht, përhapjen e zisë.
Na u duk e çuditshme, kolegëve të mi dhe mua, që gazeta Le Monde (…) botoi me këtë rast deklaratën e një krimineli si djali i ish-mbretit Zog, të kësaj fantazme qesharake që kërkon të vendosë sërish monarkinë në Shqipëri, këtë monarki që Franca juaj përmbysi dy shekuj më parë, për të cilën ajo me të drejtë krenohet. Vetëm njerëzit me qëllim të keq mund të dëshirojnë të kthejnë pas historinë e Shqipërisë.
ISMAIL KADARE
(Tiranë).
*Burimi: Blogu © Dars (Klos), Mat – Albania
VAZHDO TË LEXOSH MË TEPËR PËR TEMËN
Ëndrra e mbretit Zog
6 princeshat që ndryshuan imazhin e gruas në Shqipëri
“Babai im, ndihmoi me para Ismail Qemalin… vdiq në mjerim”
