Pas kalimit të Koulibaly te Chelsea, Napoli jo vetëm që ka paratë për të blerë Armando Brojën, por mes klubeve ka një marrëdhënie të shkëlqyer dhe kjo shton shanset e italianëve për të marrë talentin shqiptar.
Por trajneri i Chelsea, Thomas Tuchel, ka deklaruar se Armando Broja nuk është për shitje. Pas një sezoni të kaluar si i huazuar te Southampton, sulmuesi shqiptar mori vëmendjen e shumë klubeve – falë paraqitjeve të tij të mira.
West Ham United është një nga klubet më të interesuara për shërbimet e Brojës. “Çekanët” së fundi dërguan një ofertë prej 35 milionë eurosh për të. Megjithatë, Tuchel ka thënë se nuk janë të interesuar për shitjen e 20-vjeçari.
“Armando Broja është lojtari ynë para së gjithash dhe tani nuk kemi asnjë interes ta shesim atë. Ai është këtu për të lënë përshtypje”, shtoi Tuchel. Futbollisti i Shqipërisë është i grumbulluar me “Blutë” në Shtetet e Bashkuara të Amerikës në fazën para-sezonale.
VAZHDO TË LEXOSH MË TEPËR PËR TEMËN
“Nëna punonte në fabrikë, unë flija me topin”
