Duket se e ardhmja e Armando Brojës po merr një drejtim. Së fundmi është West Ham-i që ka ofruar deri në 35 milionë euro për kartonin e sulmuesit shqiptar, por Chelsea ka refuzuar paratë.
Blutë nuk dëshirojnë ta shesin talentin e tyre dhe këtë e bëri të qartë edhe Tuchel-i me deklaratën e tij: “Armando Broja është lojtar i yni dhe nuk kemi interes ta shesim për momentin”.
Megjithatë West Ham-i nuk heq dorë nga objektivi kryesor i merkatos së tyre. “Çekiçët” e duan Brojën në skuadër me apo pa kartonin e tij në zotërim. “Daily Mail” raporton se klubi anglez ka ndryshuar formulë, duke gjetur një zgjidhje të mesme për të gjitha palët.
West Ham-i ka kërkuar huazimin e Brojës për sezonin e ardhshëm, çka e ka dërguar situatën një hap larg firmës. Huazimi për një sezon në radhët e Ëest Ham-it duket se pëlqehet nga të tre palët e përfshira, prandaj transferimi mund të vijë së shpejti.
VAZHDO TË LEXOSH MË TEPËR PËR TEMËN
Balaj ndryshon ekip, mbetet në të njëjtën ligë
Sadiku zyrtarizohet te skuadra e re
